A miña máis agarimosa benvida!

 

Boas! 

Son Lucía e alégrome moito de saudarvos por aquí. Ás veces, achegarse a unha lingua desperta as mesmas sensacións que facelo a un becho peludo, de aí o nome deste blog. Deixarémolo en que o resultado da interacción resulta incerta.

Teño a gran sorte de adoptar aquí o rol de intermediaria para que ese encontro sexa o máis parecido posible ao que teriades cunha bolboreta e non cun escornabois. Aínda que os dous son fermosos, son múltiples as circunstancias que nos levan a reaccionar de maneira distinta ante eles. Iso mesmo penso que ocorre na aprendizaxe das diferentes linguas. 

Calquera que sexa a vosa motivación e condicionantes, eu estou aquí para axudarvos, así que poñede o casco de exploradora do Decathlon porque iniciamos o camiño polo curso da Escola Oficial de Idiomas de Lugo que culminaredes cun nivel C1 de galego. Asegúrovos que a viaxe será apaixonante!

Saúdos!

Comentarios

Publicar un comentario

Publicacións populares deste blog

Trotsky, nome de can

Imaxe
  Seguro que tedes escoitado nomes ben raros de cans. Cal é o máis curioso que recordades? Cal credes que é o nome de can máis común? Podedes botarlle unha ollada a esta publicación sobre o tema: Ideas para bautizar ao teu can   Despois desta pequena introdución, propóñovos ler este artigo do diario El Progreso, de Lugo.  Praza de Lenin, s/n, A Pobra de Burón   Para iso, pídovos que repartades un parágrafo para cada un e que despois compartades co resto da clase o contido que vos tocou na vosa parte. Resolveremos en conxunto calquera dúbida sobre o vocabulario. Ao choio! 
Ler máis

Reflexión: Santa María la Blanca (Madrid)

 O proxecto de Educación Básica Interactiva do Colexio Santa María la Blanca, de Madrid, resolve unha das grandes inquedanzas do profesorado: adaptar a súa materia aos intereses e destrezas de cada un dos estudantes. Porén, penso que unha iniciativa deste tipo require dun grupo de docentes formados nese eido e cuxa cohesión sexa case inquebrantable, pois todas e todos deben acomodar a súa forma de ensinanza a esa metodoloxía. Aínda que se pensamos en que o profesorado da meirande parte dos centros xa se adapta a un esquema bastante ríxido de ensinanza, non parece tan aventurado. No caso da ensinanza de linguas, o alumnado pode presentar niveles moi diversos, como diversas son as súas habilidades, de maneira que este método acomódase á perfección para atender ás súas necesidades.
Ler máis